«ԱՐՑԱԽ ՀԷԿ» ԲԲԸ Տնօրենների Խորհրդի 2013թ. ապրիլի 29-ի նիստում ընդունվել է որոշում բաժնետերերի հերթական ընդհանուր տարեկան ժողով գումարելու մասին:
Ժողովը տեղի կունենա 2013թ. հունիսի 10-ին, ժամը 11:00-ին, ԼՂՀ Ստեփանակերտ քաղաքում, Թումանյան 63 հասցեում: Ժողովին մասնակցել կարող են 2013թ-ի մայիսի 2-ի դրությամբ Ընկերության բաժնետերերի ռեեստրում հաշվառվող անձինք, որոնք համապատասխան կարգով կծանուցվեն Ընկերության կողմից: Խորհուրդը հաստատել է Ժողովի օրակարգը, որն ընդգրկում է`
- Տարեկան հաշվետվությունների ներկայացում (զեկուցողներ – գլխավոր տնօրեն Վահրամ Բեգլարյան, տեխնիկական տնօրեն Արմեն Գասպարյան, ֆինանսական տնօրեն Ժան Հովհաննիսյան)
- 2012թ. ընկերության ֆինանսական գործունեության վերաբերյալ Աուդիտորի եզրակացության ներկայացում (զեկուցող՝ «Ֆինտեխ Աուդիտ» ՓԲԸ ներկայացուցիչ Արամ Մաչանյան)
- Ընկերության 2013թ. ֆինանսական գործունեության աուդիտորական կազմակերպության հաստատում (Ընկերության Խորհրդի կողմից մրցույթում հաղթող է ճանաչվել «Ֆինտեխ Աուդիտ» փակ բաժնետիրական ընկերությունը)
- Տարեկան հաշվետվություններում արտացոլված տվյալների արժանահավատության վերաբերյալ վերստուգող հանձնաժողովի եզրակացությունը
- Տարեկան ֆինանսական հաշվետվությունների հաստատում
- «ԱՐՑԱԽ ՀԷԿ» ԲԲԸ 2012 թվականի գործունեության արդյունքներով շահույթի համամասնությունները հաստատելու մասին
- «ԱՐՑԱԽ ՀԷԿ» ԲԲԸ 2012 թվականի գործունեության արդյուքններով տարեկան շահութաբաժինների վճարման մասին որոշման ընդունում և տարեկան շահութաբաժինների չափի հաստատում
- «ԱՐՑԱԽ ՀԷԿ» ԲԲԸ տնօրենների խորհրդի ընտրություն
- «ԱՐՑԱԽ ՀԷԿ» ԲԲԸ վերստուգիչ հանձնաժողովի ընտրություն
- «ԱՐՑԱԽ ՀԷԿ» ԲԲԸ հաշվիչ հանձնաժողովի ընտրություն
ՈՒՇԱԴՐՈՒԹՅՈՒՆ
Ընկերության բաժնետերերը կարող են մանրամասն տեղեկություններ ստանալ Ժողովի օրակարգի հարցերի կապակցությամբ: Նյութերի պատճենները բաժնետերերին կտրամադրվեն համապատասխան պահանջը ներկայացվելու պահից 5 օրվա ընթացքում` փոստով /այդ թվում` էլեկտրոնային /կամ առձեռն` Ընկերությունից:
«ԱՐՑԱԽ ՀԷԿ» ԲԲԸ տնօրենների խորհրդի անդամների թեկնածուների կենսագրությանը կարելի է ծանոթանալ այստեղ։